Arda "Barselona"nın heyətindən kənarda qaldı
Bu gün İspaniya "Kral kuboku"nda yarımfinal mərhələsinin cavab görüşlərinə start veriləcək. SportLine.az xəbər verir ki, ilk oyun günündə "Barselona" "Valensiya"nın qonağı olacaq.
"Nou Kamp"da 7 cavabsız qolla qalib gələn katalonlar cavab görüşünə fərqli heyətdə çıxacaqlar. Luis Enrike Arda Turan, Luis Suarez, Neymar, Daniel Alveş, Jerar Pike, Serxio Buskets, Andres İniyesta və Xordi Alba kimi futbolçuları iştirak ərizəsinə daxil etməyib.
Qeyd edək ki, "Valensiya" - "Barselona" matçı Bakı vaxtı ilə 00:00-da başlayacaq.
