Arne Slot Qvardiolanı tərifləyib

“Liverpul”un niderlandlı baş məşqçisi Arne Slot “Mançester Siti”dəki həmkarı Pep Qvardiola haqqında danışıb.

Sportline.az xəbər verir ki, “Sky Sports” kanalına müsahibə verən Arne Slot Qvardiolanın böyük baş məşqçi olduğunu dilə gətirib.

“Qvardiola dünyanın ən böyük baş məşqçilərindən biridir. Ona hər zaman böyük hörmətim var. Futbolda az adam var ki, onların komandalarının oyunlarına baxanda sıxılmırsan. “Barselona”, “Bavariya” və ya “Mançester Siti”nin son 10 oyunundan 9-u futbolu sevən hər kəs üçün maraqlıdır. Buna görə də, Qvardiolanın komandalarının oyununu izləməyi xoşlayıram. O hər zaman fərq yaradır”, - deyə Arne Slot bildirib.

Qeyd edək ki, “Liverpul” öz meydanında “Mançester Siti”ni 2:0 hesabı ilə məğlub edib.