"Arsenal" bu futbolçuya görə 42 milyon avro ödəməyə hazırdır

"Arsenal"ın yeni transfer hədəfi bəlli olub.

Sportline.az "El Nacional" nəşrinə istinadən xəbər verir ki, "Atletik Bilbao"nun ispaniyalı futbolçusu Niko Uilyams karyerasını "Arsenal"da davam etdirə bilər.

London klubu bu keçid üçün qarşı tərəfə 42 milyon avro ödəməyə hazırdır.

Qeyd edək ki, "Atletik Bilbao"nun rəhbərliyi bu təklifə hələ ki cavab verməyib.

N.Uilyams bu mövsüm bütün turnirlər daxil olmaqla çıxış etdiyi 29 matçda rəqib qapılarından 3 top keçirib.

Onun "Atletik"lə müqaviləsi 2027-ci ilin iyun ayına qədər nəzərdə tutulub.