"Arsenal" "Çelsi" və "Mançester Yunayted"ə rəqib oldu
Madrid "Real"ının hücumçusu Alvaro Moratanı transfer etmək istəyən klublara daha biri əlavə olunub. SportLine.az "BBC Sport"a istinadən xəbər verir ki, "Arsenal" mövsümün sonunda hücumçunu heyətinə qatmağa çalışacaq.
Xatırladaq ki, bunadək "Çelsi" və "Mançester Yunayted" A.Moratanın keçidi üçün "kral klubu"na rəsmi təklif ünvanlamışdı. "Arsenal"ın transferin reallaşması üçün 50 milyon funt-sterlinq xərcləməyə hazır olduğu bildirilir.
Qeyd edək ki, A.Morata cari mövsümdə cəmi 13 La Liqa matçında start heyətində yer alıb.
