AVRO-2020: 1/4 final cütləri

Futbol üzrə Avropa çempionatında 1/4 final mərhələsinin bütün cütləri məlumdur.

Sportline.az xəbər verir ki, növbəti mərhələyə iyulun 2-də Rusiyanın Sankt-Peterburq şəhərində başlanacaq. Həmin gün Bakı vaxtı ilə saat 20:00-da İsveçrə və İspaniya üz-üzə gələcək. Saat 23:00-da isə Almaniyanın Münhen şəhərində Belçika və İtaliya milliləri görüşəcək.

İyulun 3-də ilk oyun Bakı Olimpiya Stadionunda Çexiya və Danimarka qarşılaşacaq. Matçın start fiti saat 20:00-da səslənəcək. Saat 23:00-da İtaliyanın paytaxtı Romadakı Olimpiko stadionunda Ukrayna - İngiltərə matçı olacaq.

Qeyd edək ki, yarımfinal oyunları 6-7 iyulda, final matçı 11 iyunda İngiltərənin paytaxtı Londondakı "Uembli" stadionunda keçiriləcək.