Azərbaycan çempionatında XI tura yekun vurulub
Kişi basketbolçuların 27-ci ölkə çempionatında 11-ci tura yekun vurulub.
Sportline.az xəbər verir ki, ilk oyunda "Gəncə"BK gözlənilmədən 27-ci çempionatın autsayderlərindən biri olan "Sıçrayış" komandasına məğlub olub 68:78.
Turun ikinci görüşündə "Atom"BK "Atlelik"BK üzərində qələbə qazanıb - 102:94.
Son oyun gününün ilk matçında "Xırdalan" 2-ci və 3-cü hissələrdə böyük xal fərqi ilə geridə qalaraq, "Zirvə Astara"ya məğlub olub 71- 85 (27-16,14-16,23-17,21-22).
11-ci turun son görüşü daha gərgin mübarizə ilə yadda qalıb. "80-lər" komandası "Sərkərdə" üzərində qələbəyə çox yaxın olsa da, 4-cü hissənin sonlarında vəziyyəti dəyişən "Sərkərdə" matçı qələbə ilə başa vurub. 76:72 (17-24,20-15,17-19,18-18)
11 turdan sonra yarış cədvəlinə 21 xalla "Zirvə" başçılıq edir. "Atom" komandası ondan iki xal geri qalır. Hərəyə 17 xalı olan "Sərkərdə" və "Gəncə" 3-cü-4-cü yerləri bölüşür.
Komandalar | Oyun | Qələbə | Məğlubiyyət | T/F | Xallar |
"Zirvə" BK | 11 | 10 | 1 | +189 | 21 |
"Atom" BK | 11 | 8 | 3 | +109 | 19 |
"Sərkərdə" BK | 11 | 6 | 5 | +36 | 17 |
"Gəncə" BK | 11 | 6 | 5 | -5 | 17 |
"Atletik" BK | 10 | 5 | 5 | +33 | 15 |
"Xırdalan" BK | 11 | 4 | 7 | +15 | 15 |
"Sıçrayış" BK | 11 | 4 | 7 | -201 | 15 |
"80-lər" | 10 | 0 | 10 | -176 | 10 |