Azərbaycan millisi AVRO-2023-ə Bakıda start verir
Bu gün kişi voleybolçulardan ibarət Azərbaycan millisi 2023-cü il Avropa çempionatının təsnifat mərhələsində ilk rəsmi matçını keçirəcək.
Sportline.az xəbər verir ki, A qrupunun ilk turunun oyununda rəqib Danimarka yığması olacaq. Bakıdakı Voleybol Mərkəzində baş tutacaq görüşə saat 18:00-da start veriləcək.
Azərbaycan millisinin qrupdakı digər rəqibi Türkiyə yığmasıdır.
AVRO-2023-ün təsnifat mərhələsi
A QRUPU
3 avqust
18:00 Azərbaycan – Danimarka
Bakı. Voleybol Mərkəzi
Qeyd edək ki, ümumilikdə təsnifat oyunlarında 26 komanda 7 qrupa bölünüb. Qrupun ən güclüləri və 5 ən yaxşı ikinci yerin sahibi final mərhələsində iştirak hüququ qazanacaq.
