Azərbaycan seçməsindən böyük hesablı qələbə

17 yaşadək futbolçulardan ibarət Azərbaycan seçməsi Qazaxıstanın Şımkent şəhərində təşkil olunan  “Prezident kuboku” turnirinin qrup mərhələsində son oyununu keçirib. SportLine.az AFFA-nın saytına istinadən xəbər verir ki, Rusiya-2 komandası ilə qarşılaşan komandamız böyükhesablı qələbə qazanıb – 12:1. Xaqani Sadıqov 6, Kamran Quliyev isə 4 qol vurub. Hərəyə 1 dəfə İzzət Muştaqov və Məhəmməd Məhərrəmov fərqlənib.

İlk oyunda İran yığmasına 0:3 hesabı ilə məğlub olan, ikinci qarşılaşmada isə Tacikistan komandası ilə 2:2 hesablı heç-heçə edən yığmamız qrupda üçüncü yeri tutub.