Barış Alper üçün 30 milyon avro təklif edilib

“Vest Hem Yunayted” “Qalatasaray”ın futbolçusu Barış Alper Yılmaz üçün rəsmi təklif göndərib.

Sportline.az “TV100”yə istinadən xəbər verir ki, İngiltərə klubu B.Alper Yılmaz üçün “Qalatasaray”a 25+5 milyon avro ödəməyə hazırdır.

Lakin “Qalatasaray” 40 milyon avro tələb edir.

Qeyd edək ki, Barış Alper Yılmaz bu mövsüm bütün turnirlər daxil olmaqla çıxış etdiyi 28 oyunda 11 qol və 1 asistlə yadda qalıb.

Onun “Qalatasaray”la müqaviləsi 2027-ci ilin iyun ayına qədər nəzərdə tutulub.