"Beşiktaş" brazilyalı ulduzu transfer etmək niyyətindədir

"Mançester Yunayted"in brazilyalı futbolçusu Kazemiro karyerasını Türkiyədə davam etdirə bilər.

Sportline.az "Diario As" qəzetinə istinadən xəbər verir ki, "Beşiktaş"ın norveçli baş məşqçisi Ole Qunnar Sulşer 32 yaşlı futbolçunu komandasında görmək istəyir.

İstanbul klubu bu keçid üçün "Mançester Yunayted"ə 8 milyon avro təklif edib.

Qeyd edək ki, Kazemiro cari mövsüm çıxış etdiyi 22 matçda 3 qolla yadda qalıb.

Onun "Mançester Yunayted"lə müqaviləsi 2026-cı ilin iyun ayına qədər nəzərdə tutulub.