“Deyərdim ki, matç ərzində bəxtimiz gətirmədi”

"Mən oyundan öncə "mərhələni keçəcəyik" dediyimi xatırlamıram.

Sportline.az xəbər verir ki, bunu "Ferentsvaroş"un (Macarstan) baş məşqçisi Robbi Kin UEFA Çempionlar Liqasının pley-off mərhələsində "Qarabağ"a qarşı keçirdikləri cavab oyundan sonra mətbuat konfransında deyib.

O, mübarizəni dayandırdıqları üçün üzgün olduqlarını ifadə edib:

"Mən oyundan öncə "mərhələni keçəcəyik" dediyimi xatırlamıram. Sadəcə iki oyunun nəticəsinə əsasən qələbə qazanmaq istəyirdik. Təəssüf ki, alınmadı. Ümumilikdə 1 top fərqlə uduzduq. Baxmayaraq ki, məğlub olmağı sevmirəm. Deyərdim ki, matç ərzində bəxtimiz gətirmədi. Baxmayaraq ki, qaşrılaşmaya yaxşı başlamışdıq".

Mütəxəssis "Qarbağ"ın futbolçusu Kadi Borgesi fərqləndirib:

"Qarabağ"ın heyətində Kadi Borges yaxşı futbolçudur. Mən onunla təxminən 2 həftə vaxt keçirdim. O, bizim heyətimizdə yer alarkən onun futbolçu keyfiyyətlərini tam görə bilməmişdik. Bununla belə, hazırda "Ferentsvaroş"un heyətində güclü futbolçular yer alıb".

Qeyd edək ki, "Qarabağ" - " Ferentsvaroş " oyunu qonaqların 3:2 hesablı qələbəsi ilə bitib. Səfərdəki ilk matçda Ağdam təmsilçisi 3:1 hesablı qələbəyə sevinmişdi.