Dünya çempionumuzdan AVRO 2020 proqnozu

Futbol üzrə Avropa çempionatında play-off mərhələsi davam edir.

Sportline.az saytına danışan pauerliftinq üzrə dəfələrlə dünya və Avropa çempionu olan Rövşən Xəlilov AVRO 2020 ilə bağlı fikirlərini bölüşüb.

“Çempionat sürpriz komandaların qalibiyyətləri ilə çox maraqlı keçir. Turnir başlayandan Türkiyəyə və Ronaldoya görə Portuqaliyaya azarkeşlik edirdim. Ronaldo dünya səviyyəli oyunçudur. Əsrlər keçsə belə, onun oyunu heç vaxt unudulmayacaq.

Portuqaliyanın məğlub olmasına çox məyus oldum. Amma Fransanın turniri tərk etməsinə çox sevindim. İngiltərənin oyununu da bəyənirəm. Finalda İngiltərə və İspaniya komandalarının qarşılaşmağını istəyirəm. İspaniyanın isə çempion olmağını arzu edirəm. Sürpriz komandaları da finalda görmək çox xoş olar”.