Əliyar Ağayev UEFA seminarında
2017-ci il yanvarın 30-dan etibarən İspaniyanın Malaqa şəhərində TOP və 1-ci qrupa daxil olan FİFA referiləri üçün UEFA-nın təşkilatçılığı ilə kurs keçiriləcək. SportLine.az AFFA-nın rəsmi saytına istinadən xəbər verir ki, sayca 25-ci olacaq kursda UEFA-nın dəvətinə əsasən FIFA referisi Əliyar Ağayev də iştirak edəcək.
Təmsilçimiz 2-ci kateqoriyaya daxil olsa da, daha yüksək qrup hakimləri ilə bir arada seminar keçmək imkanı qazanacaq. Martin Atkinson, Mark Klattenburq, Klement Turpin, Deniz Aytekin, Feliks Brıx, Viktor Kassai, Nikola Rizzoli, Canluka Rokki, Paolo Tagliavento, Damir Skomina, Alberto Undiano Mallenco, Yonas Eriksson, Cüneyt Çakır və digər tanınmış hakimlərin də iştirak edəcəyi kursa fevralın 1-də yekun vurulacaq.
