Ərəblərin ulduz ovu davam edir

Qətərin "Əl-Əhli" klubu PSJ-nin yarımmüdafiəçisi Julian Draksleri transfer etdiyini açıqlayıb.

Sportline.az xəbər verir ki, 29 yaşlı almaniyalı klubla 2 illik müqavilə imzalayıb və 7 nömrəli forma geyinəcək. Transfer məbləği göstərilmir.

Draksler 2017-ci ilin yanvarından PSJ-də çıxış edir. 2022/23 mövsümündə futbolçu icarə əsasında "Benfika"da çıxış edib; Portuqaliya komandasının tərkibində yarımmüdafiəçi 18 matçda 2 qol vurub.

Transfermarkt.com Drakslerin dəyərini 6 milyon avro qiymətləndirir.