Estoniya ilə oyunda millinin futbolçularına vəd olunan mükafatın məbləği

Milli komanda noyabrın 16-da UEFA Millətlər Liqasında növbəti oyuna çıxacaq.

Sportline.az xəbər verir ki, 5-ci turda rəqib Estoniya seçməsi olacaq.

Bu görüşün nəticəsinə əsasən millinin C Divizionunda qalıb-qalmayacağı müəyyənləşə bilər.

Tallində 1:3 hesabıyla uduzan komandamız Qəbələdə revanş ala bilməsə, böyük ehtimalla, D divizionuna yuvarlanacaq.

Sportinfo.az saytının yaydığı məlumata görə, AFFA rəhbərliyi bu qarşılaşmada qələbə üçün millinin üzvlərinə mükafat təyin edib.

Mənbə, bu məbləğin hər futbolçu üçün 30 min manat olduğunu bildirir. 

Qeyd edək ki, Azərbaycan - Estoniya matçı noyabrın 16-da "Qəbələ şəhər stadionu"nda keçiriləcək.