"Fənərbağça" "Eyüpspor"la matça itkilərlə çıxacaq
Bu gün Türkiyə Super Liqasında 17-ci tura start verilir.
Sportline.az xəbər verir ki, çempioluğa iddialı "Fənərbağça" səfərdə "Eyüpspor"la qarşılaşacaq.
"Fənərbağça"nın heyətində itkilərin sayı kifayət qədərdir. Qapıçı Dominik Livakoviç, Ceydon Ostervolde, Mert Hakan Yandaş, Oğuz Aydın və Rodriqo Bekao zədə səbəbində matçı buraxmalı olacaq.
"Eyüpspor"da isə qapıçı Berke Özer, Frederik Mitşö və Recep Niyaz baş məşqçi Arda Turanın sərəncamında olmayacaq.
Qeyd edək ki, "Eyüpspor" - "Fənərbağça" matçı bu gün saat 21:00-da başlanacaq.
Oyunun ədalət təmsilçisi Emre Karqın olacaq.
