"Fənərbağça"nın Firmino iddiası təsdiqini tapmadı

"Fənərbağça"nın Roberto Firminonu heyətə qatacağı ilə bağlı iddialar təsdiqini tapmayıb.

Sportline.az xəbər verir ki, braziliyalı ulduzun meneceri Nene Zini bununla bağlı yayılan məlumatların doğru olmadığını bildirib.

Onun sözlərinə görə 33 yaşlı hücumameylli yarımmüdafiəçi karyerasını "Əl-Əhli"də davam etdirəcək.

Zini "Əl-Riyadiya"ya açıqlamasında İstanbul nəhəngindən rəsmi təklif almadıqlarını vurğulayıb.

Qeyd edək ki, Firmino bu mövsüm keçirdiyi 19 oyunda 6 qol və 3 məhsuldar ötürmə müəllifidir.