"Göztepe" "Çelsi"nin oyunçusunu heyətinə qatıb
Super Liqanın yeni klublarından olan "Göztepe" heyətini hücumçu ilə gücləndirib.
Sportline.az Ntvspor.net-ə istinadla xəbər verir ki, İzmir klubu 21 yaşlı futbolçu Datro Fofananı icarə əsasında rənglərinə qatıb.
Tərəflər arasında 2024/2025 mövsümünün sonuna qədər razılıq əldə olunub.
Yaxın günlərdə rəsmi imzaların atılacağı bildirilib.
Qeyd edək ki, ötən mövsümün ikinci dövrəsini icarə əsasında "Börnli"də keçirən Fofana meydana çıxdığı 15 oyunda 4 qol vurub, 1 asist edib.