Hakan Çalhanoğlu İngiltərə nəhənginə transfer ola bilər

“İnter”in türkiyəli futbolçusu Hakan Çalhanoğlu karyerasını İngiltərə Premyer Liqasında davam etdirə bilər.

Sportline.az “Fichajes” nəşrinə istinadən xəbər verir ki, “Mançester Yunayted” Hakanı transfer etmək üçün hərəkətə keçib.

İtaliya klubu 31 yaşlı yarımmüdafiəçi üçün 50 milyon avro tələb edir.

Qeyd edək ki, Hakan Çalhanoğlu bu mövsüm bütün turnirlər daxil olmaqla çıxış etdiyi 33 matçda 9 qol və 4 məhsuldar ötürmə müəllifi olub.

Onun “İnter”lə müqaviləsi 2027-ci ilin yayına qədər nəzərdə tutulub.