I Divizionda püşk atıldı

Futbol üzrə Azərbaycan I Divizionunda 2017/2018-ci illər mövsümünün püşkatma mərasimi keçirilib.

SportLine.az Peşəkar Futbol Liqasının saytına istinadən xəbər verir ki, cari mövsüm aşağı liqada 10 komanda mübarizə aparır ki, onlardan 4-ü - “Şüvəlan”, “Binə”, “Xəzər” və “Sabah” çempionatın debütantlarıdır.

İlk turda aşağıdakı komandalar üz-üzə gələcək:

“Xəzər” - “Mil-Muğan”

“Turan-Tovuz” - “Şüvəlan”

“Ağsu” - “Zaqatala”

MOİK - “Qaradağ-Lökbatan”

“Sabah” - “Binə”

Qeyd edək ki, mövsümün açılış turu oktyabrın əvvəlində oynanılacaq.