"İnter"i "Liverpul"a dəyişir

"İnter"in italiyalı müdafiəçisi Alessandro Bastoni "Liverpul"un maraq dairəsinə düşüb.

Sportline.az "Fichajes" nəşrinə istinadən xəbər verir ki, "Liverpul" mövsümün sonunda Bastoni üçün "İnter"ə rəsmi təklif göndərəcək.

Mersisayd klubu 25 yaşlı futbolçunun meneceri ilə təmas halındadır.

Qeyd edək ki, Bastoni "Liverpul"da çıxış etməyə müsbət yanaşır. 

O bu mövsüm bütün turnirlər daxil olmaqla çıxış etdiyi 41 matçda 1 qol və 5 asistlə yadda qalıb.

Bastonin "İnter"lə müqaviləsi 2028-ci ilin iyun ayına qədər nəzərdə tutulub.

Xatırladaq ki, Alessandro Bastoni karyerası ərzində "Atalanta" və "Parma" kimi klublarda çıxış edib.