İtaliya klubları üçün qadağa götürüldü

İtaliyanın Elm və Texnologiya komitəsi (CMT) A Seriyası klublarına qrup məşqlərinin keçirilməsinə icazə verib.

 

Sportline.az "Football Italia"ya istinadən xəbər verir ki, komitə tibbi protokolun yeni versiyasını təsdiqləyib.

 

Klublar bir oyunçunun yoluxması halında, bütün komandanın 15 gün müddətinə karantinə alınmasını nəzərdə tutan bəndə qarşı çıxmışdılar. Artıq bu barədə dəyişiklik edilib. İndi futbolçulardan birində koronavirus aşkarlanarsa, yalnız o, karantin rejiminə əməl etməli olacaq. Komandanın qalan üzvləri isə müntəzəm olaraq testdən keçmək şərtilə məşqlərə davam edə biləcəklər.

 

Daha əvvəl İtaliyada idman tədbirlərinə qoyulmuş qadağanın iyunun 14-dək uzadıldığı məlum olmuşdu.