Kikboksçumuzla döyüşöncəsi görüş
Azırbaycan Kikboksinq Federasiyasının prezidenti Orxan Əliyev -91 kq çəki dərəcəsində K-1 WAKO üzrə dünya çempionu Bəhram Rəcəbzadə ilə görüşüb.
Sportline.az xəbər verirb ki, idmançımız 26 iyunda Türkiyənin İstanbul şəhərində keçiriləcək Akın Döyüş Arenası peşəkar turnirində iştirak edəcək.
Görüşdə peşəkar döyüşə hazırlıq prosesi ilə yanaşı pandemiya dövründə yaranan problemlərlə ətraflı tanış olan federasiyanın prezidenti Orxan Əliyev həmin məsələlərin həlli yollarını müzakirə edərək, idmançımıza uğurlar və turnirdə qələbə arzulayıb.
Bəhram Rəcəbzadə öz növbədə vitaminizasiya ilə bağlı və yarışda iştirak etməsi üçün maddi dəstəyə görə federasiya rəhbərinə təşəkkürlərini bildirib. Döyüşçümüz bu yarışa onun məşqçisi və həmçinin həyat yoldaşı olan Fatma Nehri Rəcəbzadə ilə qatılacaq.
WAKO üzrə dünya çempionu, dəfələrlə peşəkar döyüşlərin qalibi Bəhram Rəcəbzadənin şəxsi məşqçisi Azərbaycan Respublikasının Əməkdar Məşqçisi, Əməkdar İdman Xadimi, milli komandanın baş məşqçisi Çingiz Eyvazovdur.
