Kramarenko qərarını verdi

Millimizin qapıçılar üzrə məşqçisi Dmitri Kramarenko bu işindən ayrılıb.

Sportline.az xəbər verir ki, təcrübəli mütəxəssis bunu Rusiyanın "Sport24.ru" saytına açıqlamasında deyib. Moskva MOİK-ində də eyni işi görən Kramarenko artıq iki yerdə çalışmaq istəmədiyini deyib. O, bundan sonra yalnız klubda işləyəcəyini bildirib:

"Ötən gün bu məsələ ilə bağlı qərar verdim. Artıq yalnız MOİK-də çalışacam. Diqqətimi sırf klubdakı işimə yönəldəcəm. MOİK iki yerdə işləməyimin əleyhinə deyildi. 6 ay bu formada işlədim. Ancaq millidə prinsiplər və qaydalar fərqlidi.

Milli komanda mənim üçün əziz olaraq qalır. Azərbaycanda doğulub, böyümüşəm. İndi belə bir qərar verdik, amma hər an milliyə kömək etməyə şad olaram. Yəqin ki, bu, doğru qərardı. Klubda da çox sayda səyahət və məşqlər var, ancaq indi ailəmlə daha çox vaxt keçirirəm".

Dmitri Kramarenko bu ilin yanvarından ÇSKA-da işləyir.