"Kristal Pelas"dan "Liverpul"a transfer ola bilər

"Kristal Pelas"ın ingiltərəli futbolçusu Mark Gehi karyerasını "Liverpul"da davam etdirə bilər.

Sportline.az "The Sun Football"a istinadən xəbər verir ki, "Liverpul"un rəhbərliyi bu keçid üçün "Kristal Pelas"a 45 milyon avro ödəməyə hazırdır. Tərəflər arasında danışıqlar davam edir.

Bu transferin yanvar ayında reallaşması gözlənilir. M.Gehinin "Kristal Pelas"la müqaviləsi 2026-cı ilin iyun ayına qədər nəzərdə tutulub.

Qeyd edək ki, 24 yaşlı müdafiəçi bu mövsüm bütün turnirlər daxil olmaqla çıxış etdiyi 22 matçda 2 qol və 1 asistlə yadda qalıb.