Levandovski: “Mançester Yunayted”in təklifini qəbul etdim”
“Barselona”nın polşalı hücumçusu Robert Levandovski 2012-ci ildə “Mançester Yunayted”ə transfer olma ehtimalından danışıb.
Sportline.az xəbər verir ki, sabiq futbolçu Rio Ferdinandın “You-Tube” kanalına qonaq olan Levandovski “Mançester Yunayted” haqqında bu fikirləri səsləndirib;
“2012-ci ildə “Mançester Yunayted”in təklifini qəbul etdim, lakin “Borussiya” məni göndərmədi. Sir Aleks Fergüson ilə danışıqları xatırlayıram. 2012-ci il idi. Mövsüm öncəsi danışıqlar gedirdi və bilirdim ki, Sir Aleks Fergüson mənə zəng edəcək. Hətta mən “Dortmund”un prezidenti ilə söhbətimizi xatırlayıram. O, klubun mənə ehtiyacının olduğunu və məni “Mançester Yunayted” klubuna satmayacaqlarını bildirdi, çünki mən onlar üçün çox vacib idim. Həmin vaxtı məni satmaları üçün uyğun vaxt deyildi. Lakin mən bu transferə razılıq vermişdim. Doğrudur, “Mançester Yunayted” klubuna keçməyə razı idim, çünki əgər səni Ser Aleks Fergüson çağırırsa, yox deyə bilməzsən. Xüsusən də mənim 22-23 yaşlarım var idi”, - deyə Levandovski bildirib.
