Levandovskidən iddialı açıqlama
“Barselona”ın polşalı futbolçusu Robert Levandovski iddialı açıqlaması ilə gündəmə gəlib.
Sportline.az xəbər verir ki, “Mançester Yunayted” və İngiltərə millisinin sabiq futbolçusu Rio Ferdinandın “You-Tube” kanalına qonaq olan Levandovski bu açıqlamanı verib;
“Futbola siyasət qarışdığı üçün 2020-ci ildə “Qızıl top”u qazana bilmədim. O mövsüm inanılmaz işlər gördüm. Qazana biləcəyim bütün titulları qazandım. Lakin “Qızıl top”u mənə vermədilər”, - deyə Levandovski bildirib.
Qeyd edək ki, Robert Levandovski bu mövsüm bütün turnirlər daxil olmaqla çıxış etdiyi 18 matçda 20 qol və 2 asistlə yadda qalıb.
