“Liverpul” Mak Allisterin qiymətini açıqlayıb

“Liverpul”un argentinalı futbolçusu Aleksis Mak Allisterin transfer dəyəri açıqlanıb.

Sportline.az “Fichajes” nəşrinə isitinadən xəbər verir ki, “Real Madrid” Mak Allisteri transfer etmək üçün “Liverpul”a təklif göndərib.

Lakin “Liverpul”un rəhbərliyi 26 yaşlı futbolçu üçün 100 milyon avro tələb edib.

Bu səbəbdən kral klubu transferdən imtina edib.

Qeyd edək ki, Mak Allisterin “Liverpul”la müqaviləsi 2028-ci ilin iyun ayına qədər nəzərdə tutulub.

O cari mövsüm çıxış etdiyi 25 matçda 3 qol və 2 asistlə yadda qalıb.