Lukman İngiltərə nəhənginin hədəfindədir

"Atalanta"nın nigeryalı futbolçusu Ademula Lukman karyerasını İngiltərə Premyer Liqasında davam etdirə bilər.

Sportline.az "Caught Offside" nəşrinə istinadən xəbər verir ki, "Mançester Yunayted" Lukmanı transfer etmək üçün danışıqlara başlayıb.

Berqamo klubu 27 yaşlı hücumçu üçün 65 milyon avro tələb edir.

Qeyd edək ki, Lukman bu mövsüm çıxış etdiyi 33 matçda 18 qol və 7 asistlə yadda qalıb.

Onun "Atalanta" ilə müqaviləsi 2026-cı ilin iyun ayına qədər nəzərdə tutulub.