"Mançester Siti" - "Everton: Düşərgələrdəki son durum
Bu gün İngiltərə Premyer Liqasında 18-ci tura start verilir.
Sportline.az xəbər verir ki, son çempion "Mançester Siti" "Etihad Stedyum"da "Everton"la qarşılaşacaq.
Pep Qvardiolanın komandası bu oyuna itkilərlə çıxacaq. Qapıçı Ederson, Mateus Nunes, Con Stounz, Ruben Diaş, Rodri və Oskar Bobb zədə səbəbindən matçı buraxmalı olacaq.
"Everton"da isə Dvayn Maknil və Ceyms Qarner zədə, Eşli Yanq isə cəza səbəbindən baş məşqçi Şoun Dayçın sərəncamında olmayacaq.
Qeyd edək ki, 16:30 start götürəcək matçı Simon Huper idarə edəcək.
