"Mançester Siti"də ayrılıq

"Mançester Siti"nin ingiltərəli futbolçusu Cek Qriliş klubdan ayrıla bilər.

Sportline.az "The Sun Football"a istinadən xəbər verir ki, "İnter" və "Borussiya Dortmund" Qrilişi transfer etmək istəyir.

İngiltərə klubu 29 yaşlı futbolçu üçün qarşı tərəfdən 50 milyon avro tələb edir.

Qeyd edək ki, Cek Qriliş bu mövsüm bütün turnirlər daxil olmaqla çıxış etdiyi 21 oyunda 1 qol və 4 asistlə yadda qalıb.

Onun "Mançester Siti" ilə müqaviləsi 2027-ci ilin iyun ayına qədər nəzərdə tutulub.