"Mançester Yunayted" - "Nyukasl Yunayted": Heyətlərdəki son durum

İngiltərə Premyer Liqasında 19-cu turun görüşləri davam edir.

Sportline.az xəbər verir ki, "Mançester Yunayted" "Old Trafford" stadionunda "Nyukasl Yunayted"lə münasibətləri aydınlaşdıracaq.

Hər iki komada matça itkilərlə çıxacaq. "Mançester Yunayted"in heyətində əsas itki kapitan Bruno Fernandeş və Manuel Uqarte cəza, Meyson Mount, Luk Şou və Viktor Lindelöf isə zədə səbəbindən oyunda iştirak edə bilməyəcək.

"Nyukasl"da isə qapıçı Nik Popp, Kiran Trippier, Stiv Botman, Emil Kraft, Camal Laskelles və Kalum Vilson baş məşqçi Eddi Hounun sərəncamında olmayacaq.

Qeyd edək ki, start fiti gecə yarısı saat 12-də səslənəcək "Mançester Yunayted" - "Nyukasl Yunayted" matçını Simon Huper idarə edəcək.