“Mançester Yunayted” portuqaliyalı futbolçunu transfer etmək istəyir
“Paris Sen-Jermen”in portuqaliyalı futbolçusu Nuno Mendeş karyerasını “Mançester Yunayted”də davam etdirə bilər.
Sportline.az “Mail Sport” nəşrinə istinadən xəbər verir ki, “Mançester Yunayted”in baş məşqçisi Ruben Amorim rəhbərliktən Nuno Mendeşin transferini tələb edib.
Paris klubunun rəhbərliyi Nuno Mendeş üçün 60 milyon avro tələb edir.
“Mançester Yunayted” klubunun rəhbərliyi bu məbləği ödəməyə hazırdır.
Qeyd edək ki, Nuno Mendeşin “Paris Sen-Jermen” klubu ilə müqaviləsi 2026-cı ilin iyun ayında başa çatacaq.
