“Mançester Yunayted” portuqaliyalı futbolçunu transfer etmək istəyir

“Paris Sen-Jermen” klubunun portuqaliyalı futbolçusu Nuno Mendeş karyerasını “Dumanlı Albion”da davam etdirə bilər.

Sportline.az insayder Peter Holla istinadən xəbər verir ki, “Mançester Yunayted” N.Mendeş üçün PSJ-yə rəsmi təklif göndərib.

İngiltərə klubunun rəhbərliyi bu keçid üçün “Paris Sen-Jermen”ə 60 milyon avro ödəməyə hazırdır.

Qeyd edək ki, Mendeşin Fransa klubu ilə müqaviləsi 2026-cı ilin iyun ayına qədər nəzərdə tutulub.