Marotta: "Gələcəyi ilə bağlı qərarı isə özü verməlidir"

İtaliyanın “İnter” klubunun prezidenti Cüzeppe Marotta türk futbolçu Hakan Çalhanoğlunun gələcəyi ilə bağlı açıqlama verib.

Sportline.az xəbər verir ki, açıqlama UEFA Çempionlar Liqasının püşkatmasından sonra səsləndirilib.

“Hakan dörd ildir bizim üçün çox dəyərli bir oyunçudur. Komandamıza böyük töhfələr verib. Gələcəyi ilə bağlı qərarı isə özü verməlidir. O, qərarını verdikdən sonra klub olaraq biz də lazımi addımları atacağıq", deyə Marotta bildirib.

31 yaşlı Hakan Çalhanoğlunun hazırda transfer dəyəri təxminən 30 milyon avro olaraq qiymətləndirilir. Onun “İnter”lə müqaviləsi 2027-ci ilə qədər qüvvədədir.

Türkiyə millisinin aparıcı üzvlərindən olan Çalhanoğlunun gələcək planları hələlik qeyri-müəyyən olaraq qalır.