Məşhur futbolçunun məhkəmə işi uzanır

Tomas Partey məhkəmədə yeni ittihamları rədd etdi – iş uzadıla bilər.

Sportline.az xəbər verir ki, “Vilyareal"ın futbolçusu Tomas Partey barəsində məhkəmə prosesi davam edir. O, Londonun Sautuark Kral Məhkəməsində ona qarşı irəli sürülən iki yeni zorlanma ittihamını rədd edib və özünü təqsirli bilmədiyini açıqlayıb.

Məlumata görə, yeni ittihamlar 2020-ci ilin dekabr ayında baş verdiyi iddia olunan hadisə ilə bağlıdır. Bununla da qanalı yarımmüdafiəçi ümumilikdə dörd qadınla bağlı yeddi zorlanma və bir cinsi təcavüz ittihamı ilə üz-üzədir. İddialar 2020–2022-ci illəri əhatə edir.