Milli niyə məşqdən imtina etdi?

Almaniya millisi Avro-2020-nin 1/8 finalında İngiltərə ilə matç öncəsi "Uembli" stadionundakı məşqindən imtina edib.

Sportline.az xəbər verir ki, bu barədə Almaniya Futbol Federasiyasının mətbuat xidmətinin rəhbəri Lev Yens Qrittner açıqlama verib. Sözügedən arenada bu gün İtaliya - Avstriya matçı da oynanılacaq. Həmçinin İngiltərə yığması son 10 gün ərzində bu stadionda 3 matç keçirib. Ona görə də meydançanın daha çox yüklənməməsi üçün Almaniya millisi belə bir addım atıb:

"Həqiqətən də orada məşq etmək istəyərdik. Orada məşq etməyəcəyimiz xoşagəlməz xəbərdir. Çünki "Uembli" xüsusi stadiondur".

Qeyd edək ki. İngiltərə - Almaniya oyunu iyunun 29-u, Bakı vaxtı ilə 20:00-da başlayacaq.