Millimizin futbolçusuna qadağa qoyuldu

İngiltərənin “Vulverhempton” klubu koronavirus epidemiyasından qorunmaq üçün tədbirlər görməkdədir.

Sportline.az xəbər verir ki, klub rəhbərliyi futbolçularla azarkeşlərin münasibətinə məhdudiyyətlər qoyub.

Premyer Liqa təmsilçisinin rəsmi saytının yaydığı məlumatda bildirilir ki, futbolçulara azarkeşlərə avtoqraf vermək, onlarla şəkil çəkdirmək qadağan olunub. Azarkeşlərdən də bu məsələ ilə bağlı anlayışlı olmaları xahiş olunub. Futbolçulara və klubda çalışan hər kəsə ictimai tədbirlərdən, şəxsi görüşlərdən mümkün qədər imtina etmələri, əllə görüşməmələri məsləhət görülüb.

Qeyd edək ki, millimizin hücumçusu Renat Dadaşov, klubun U-23 komandasının əsas heyət üzvüdür.