Millimizin üzvü Macarıstan klubunda
Voleybol üzrə milli komandanın üzvü Ayşən Abduləzimova karyerasını Macarıstan çempionatında davam etdirəcək.
Sportline.az xəbər verir ki, voleybolçumuz keçmiş komandası “Vaşaş”a qayıdıb.
Bu barədə Macarıstan klubunun rəsmi saytı məlumat yayıb.
Qeyd edək ki, Ayşən 2018-2020-ci illər aralığında məhz Budapeşt təmsilçisinin uğurları üçün çalışıb. Mərkəz oyunçusu bu komandada keçirdiyi iki mövsüm ərzində həm ölkə çempionu olub, həm də Macarıstan kubokunu qazanıb.
28 yaşlı voleybolçu geridə qalan mövsümdə Türkiyənin “Sarıyer Bələdiyyəsi” komandasının formasını geyinib.
