"Qalatasaray" "Frayburq"un oyunçusu ilə anlaşıb
"Qalatasaray" transferin son günündə heyətini daha bir futbolçu ilə gücləndirib.
Sportline.az jurnalist Yağız Sabuncuoğluna istinadla xəbər verir ki, "sarı-qırmızılılar" "Frayburq" forması geyinən Roland Salai ilə 4 illik razılıq əldə ediblər.
27 yaşlı hücumçu bu gün tibbi müayinədən keçmək üçün İstanbula gələcək.
Ötən mövsüm Almaniya klubunun heyətində 37 oyuna çıxan Salai bu görüşlərdə 8 qol vurub, 4 asist edib.
Qeyd edək ki, təcrübəli oyunçu 54 dəfə geyindiyi Macarıstan milli komandasının forması ilə 13 qola imza atıb.