"Qalatasaray" gürcü futbolçu üçün 25 milyon avro təklif edib

"Qalatasaray" "Lion"un gürcüstanlı futbolçusu Jorj Mikautadze üçün rəsmi təklif göndərib.

Sportline.az "Milliyet" qəzetinə istinadən xəbər verir ki, İstanbul nəhəngi J.Mikautadze üçün "Lion"a 25 milyon avro təklif edib.

Fransa təmsilçisi bu məbləğ qarşılığında Mikautadzeni satmağa hazırdır.

Qeyd edək ki, 24 yaşlı hücumçu cari mövsüm çıxış etdiyi 22 matçda 7 qol və 1 asistlə yadda qalıb.

Onun "Lion"la müqaviləsi 2028-ci ilin iyun ayına qədər nəzərdə tutulub.