"Qarabağ"dan növbəti nümunəvi addım
“Qarabağ” klubu, koronavirus pandemiyası dövründə ehtiyacı olan insanlara yardım etməkdədir.
Sportline.az xəbər verir ki, klub rəhbərliyinin dəstəyi ilə Ağdam rayonunda bir qrup imkansız ailəyə ərzaq yardımı edilib. Klub “Biz birlikdə güclüyük” kampaniyası çərçivəsində bu addımı atıb.
Xatırladaq ki, daha öncə “Qarabağ”ın sponsoru olan “Azersun” Holdinq Koronavirusla Mübarizə Fonduna 2 milyon, komandanın baş məşqçisi Qurban Qurbanov 20 min, futbolçular isə 50 min manat məbləğində yardım ediblər.
