"Qəbələ" hazırlıqlarını davam etdirir
2016-2017-ci il mövsümünün ikinci yarısının hazırlıqlarını Türkiyənin Antalya şəhərində davam etdirən "Qəbələ" təlim-məşq toplanışının 5-ci gününü 2 məşqlə yekunlaşdırıb.
SportLine.az-ın klubun saytına istinadən yaydığı xəbərə görə, Roman Qriqorçukun komandası dünən günün ilk yarısında keçirilən məşq prosesində əsasən topsuz çalışmalara üstünlük verib.
“Qırmızı-qaralar” ikinci hazırlıq zamanı topla məşq edib. Bərpa prosesi keçən Baqali Dabo, Məhəmməd Mirzəbəyov, Elvin Camalov və Murad Musayev fərdi hazırlıqla kifayətlənib.
