Ramos PSJ-yə keçir?
"Real"dan ayrılan Serxio Ramos karyerasını PSJ-də davam etdirməyə yaxındır.
Sportline.az Fransa mətbuatına istinadən xəbər verir ki, ispan müdafiəçi Paris təmsilçisi ilə razılığa gəlib. Onun yeni klubu ilə 2 illik müqavilə imzalayacağı bildirilib.
35 yaşlı futbolçunun yaxın günlərdə PSJ-də tibbi müayinədən keçəcəyi vurğulanıb.
Qeyd edək ki, Ramos 2005-ci ildən oynadığı "Real"dan ötən ay müqaviləsi başa çatdığı üçün ayrılıb.
