Şahmatçılarımız üçün uğurlu tur
Aprelin 13-də Antalyada qadın şahmatçılar arasında Avropa çempionatının üçüncü turunun oyunları keçiriləcək.
Sportline.az xəbər verir ki, ötən turda təmsilçilərimizdən altısı qələbə qazanıb. Güləşçilərimizdən Günay Məmmədzadə, Xəyalə Abdulla, Gövhər Beydullayeva, Ülviyyə Fətəliyeva, Türkan Məmmədyarova, Xanım Balacayeva ikinci turda rəqiblərini məğlub ediblər. Birinci turda qələbə qazanan Gülnar Məmmədova isə ötən turu heç-heçə başa vurub.
On bir turdan ibarət yarışda ümumilikdə 32 ölkədən 130-dan çox şahmatçı mübarizə aparır. Ölkəmizi yarışda 10 şahmatçı təmsil edir. Turnir cədvəlinin reytinq favoriti rusiyalı Aleksandra Qoryaçkinadır (2534).
Ümumi mükafat fondu 60 min avro olan turnirə aprelin 21-də yekun vurulacaq.
