Şəhid kəşfiyyatçımızın yubileyinə həsr olunmuş stolüstü tennis turniri keçirilib
Bu günlərdə Vətən müharibəsi qəhrəmanı şəhid kəşfiyyatçı mayor Elçin Mansurovun 40 illik yubileyinə həsr olunmuş stolüstü tennis turniri keçirilib.
Sportline.az xəbər verir ki, Xəzər rayonu Binə qəsəbəsində yerləşən və şəhidimizin öz adını daşıyan 88 nömrəli tam orta məktəbin, İxtisaslaşmış 1 nömrəli Olimpiya Ehtiyatları Uşaq-Gənclər İdman Məktəbinin və BrendSport.az saytının təşkilatçılığı ilə 5 qrup üzrə keçirilən yarışda 87 idmançı öz qüvvəsini sınayıb.
Qeyd edək ki, turnirin baş sponsoru “Soel Parfum Azerbaycan”, sponsorları isə “OBA” Market, “Scallezioni Baku” italiyan brendi və “Paxlava Butik” olub.
Yarış qızlardan ibarət 2 və oğlanlar ibarət 3 qrup arasında keçirilib. Böyük yaş qrupu oğlanlar arasında baş tutan yarışı Məhəmmədəli Səmədzadə ilk pillədə başa vurub. 2-ci yeri Sadiq Əlizadə, 3-cü yeri isə Huseyn Səmədzadə və Əbulfəz Əliyev tutublar.
Böyük yaş qrupu qızlar arasında. 1-c yeri Zəhra Rəhimova, 2-ci yeri Nuray Feyzullayeva, 3-cü yeri isə müvafiq olaraq Məryəm Heybətova və Sadiqli Məsumə sahib olublar.
Kiçik yaş qrupunda oğlanlar arasında Məhəmmədəli Əlizadə 1-ci, Qasım Əliyev 2-ci, MəhəmmədBaqir Əlizadə və Amjad Məhəmmədəzim isə 3-cü yerləri tutublar.
Kiçik yaş qrupunda qızlar arasında ilk sırada Əsma Xəlilova, 2-ci yerdə Səadət Əliyeva, 3-cü yerdə isə Leyla Əliyeva və İlahə Hüseynova qərarlaşıblar.
2013-2014-cu il yarışın orta yaş uşaqlarınnın qrupunda olan oğlanalar arasında 1-ci yerə Huseyn Kəlbiyev, 2-ci yerə MəhəmmədHüseyn Əlizadə, 3-cü yerə isə Əbülfəz Kəlbiyev və Hüseyn Əliyev sahib olublar.
Turnirdə sponsorumuz "Paxlava Butik" tərəfindən tort təqdim olunub. Tort şəhidin anası Məleykə xanım və təşkilatçılar tərəfindən kəsilərək iştirakçılara paylanılıb. Aparıcı və təşkilatçı Bəhruz Səmədov şəhidimizin cənnətdəki mövludunu qeyd edərək, Allahdan rəhmət dilədi.
Qaliblərə 88 nömrəli məktəb və BrendSport.az saytı tərəfindən medallar, diplomlar baş sponsorumuz “Soel Parfum Azerbaycan” və sponsorlarımız "OBA" marketlər şəbəkəsi və “Scallezioni Baku” italiyan brendi tərəfindən özəl hədiyyələr verilib.
Sonda saytımız adından 44 günlük Vətən müharibəsi qazisi, ehtiyatda olan baş leytenant Vüqar Əhmədova göstərdiyi dəstəyə görə təşəkkürümüzü bildiririk.
