Şəhidin xatirəsinə həsr olunan turnir keçirildi
Azərbaycan Juboksinq Citsu Federasiyasının təşkilatçılığı, habelə Gənclər və İdman Nazirliyinin dəstəyi ilə şəhid kapitan İlkin Nəcəfovun xatirəsinə həsr olunan açıq turnir keçirilib.
Sportline.az xəbər verir ki, yarışda federasiya rəsmiləri, şəhidin ailə üzvləri, həmçinin idman ictimaiyyətinin nümayəndələri iştirak ediblər.
Dövlət himni səsləndirildikdən sonra turnirə start verilib. İdmançılar Juboskinq citsu, juvreslinq növləri üzrə mübarizə aparıblar. Yarışda ölkəmizin müxtəlif şəhər və rayonlarından 22 komandanın tərkibində 200-ə yaxın idmançı bacarığını nümayiş etdirib.
Qeyd edək ki, müxtəlif çəki dərəcələrində fərqlənən idmançılara diplom və medallar təqdim olunub.
