"Şerif" - "Qarabağ" görüşü yayımlanacaq?
UEFA Çempionlar Liqasının III təsnifat mərhələsi çərçivəsində keçiriləcək "Şerif" - "Qarabağ" görüşünün televiziya vasitəsilə yayımlanıb-yayımlanmayacağı sualı futbolsevərləri düşündürür. SportLine.az xəbər verir ki, indiyə olan məlumata əsasən, heç bir Azərbaycan telekanalı matçı təqdim edə bilməyəcək. Buna səbəb, Moldova təmsilçisinin yayım üçün 100 min avro tələb etməsidir.
“Qarabağ” hələ ilk matçdan əvvəl qarşı tərəfə hər iki oyunun ödənişsiz yayımlanmasını təklif etsə də, Moldova təmsilçisi bununla razılaşmayıb. Danışıqlar isə davam edir.
Qeyd edək ki, "Şerif" - "Qarabağ" oyunu sabah Bakı vaxtı ilə 21:00-da start götürəcək.
