Tennisçilərin diqqəti Nyu-Yorkdadır
Nyu-Yorkda tennisçilərin “US Open” turniri davam edir.
Sportline.az xəbər verir ki, mükafat fondu 53 milyon 402 min dollar yarışda hər iki finalçı müəyyənləşib.
Yarımfinalda kişilərin mübarizəsində avstriyalı Dominik Timlə rusiyalı Daniil Medvedev qarşılaşıb. Birinci setdə 6:2 hesabı ilə qalib gələn avstriyalı raketka ustası təşəbbüsü əldən verməyib. Digər hissələrdə də qələbə qazanan Dominik Tim finala yüksəlib.
Yarımfinalın digər görüşündə isə gərginliyi ilə diqqət çəkib. Söhbət almaniyalı Aleksandr Zverevlə ispaniyalı Pablo Karreno Busta arasındakı dueldən gedir. 3 saat 23 dəqiqə davam edən mübarizədə Zverev əzmkar oyunla qalib gələrək finala adlayıb.
