Teo Hernandez "Milan"dan ayrılacaq
"Milan" klubu Teo Hernandezə yeni müqavilə təklif etməyi planlaşdırmır.
Sportline.az "Fichajes" nəşrinə istinadən xəbər verir ki, 27 yaşlı müdafiəçinin "Milan" ilə müqaviləsi 2026-cı ilin yayında başa çatacaq.
"Rossonyerilər" yay transfer pəncərəsində fransalı futbolçuya daxil olacaq təklifləri nəzərdən keçirəcək. Teo Hernandezin bazar dəyəri 50 milyon avro olaraq qiymətləndirilir.
Qeyd edək ki, Hernandez 2018-ci ildən "Milan"da çıxış edir. O, klubun heyətində 252 matça çıxaraq 33 dəfə rəqib qapısına yol tapıb və 44 qol ötürməsi edib.